Baş sahypa | Türkmenistanyň Bilim Ministrliginiň Milli maglumat merkezi

Türkmenistan-ÝUNESKO: Diýardan ýaýran ýollar

TÜRKMENISTANYŇ PREZIDENTI SERDAR BERDIMUHAMEDOW:

“Türkmen halky beýik sungaty, nusgawy kadalary we gaýtalanmajak medeni mirasy bilen giňden tanalýar. Türkmen medeniýeti dünýä medeniýetiniň ösüşine mynasyp goşant goşdy. Biz medeniýet ulgamyny döwrebap ýagdaýa getirmek, mili mirasymyzyň gymmatlyklaryny düýpli öwrenmek, gorap saklamak we dünýä ýaýmak boýunça işleri dowam etdireris. Şeýle hem taryhy-medeni mirasymyzyň desgalaryny abat saklamak, öwrenmek, taryhy we medeni ýadygärliklerimizi dikeltmek işlerini-de alyp barýarys. Şonuň ýaly-da, ÝUNESKO-nyň adamzadyň maddy däl medeni mirasynyň sanawyna girizmek üçin bu desgalaryň sanyny artdyrmak boýunça hem işleri geçireris”.

Ýewropa sebitinde ýokary bilim boýunça hünär derejelerini ykrar etmek hakyndaky Konwensiýa goşulmak hakynda:

TÜRKMENISTANYŇ KANUNY

Ýewropa sebitinde ýokary bilim boýunça hünär derejelerini ykrar etmek hakyndaky Konwensiýa goşulmak hakynda

1997-nji ýylyň 11-nji aprelinde Lissabon şäherinde kabul edilen Ýewropa sebitinde ýokary bilim boýunça hünär derejelerini ykrar etmek hakyndaky Konwensiýa goşulmaly.

Türkmenistanyň Prezidenti
Serdar Berdimuhamedow.

Aşgabat şäheri, 2022-nji ýylyň 20-nji noýabry.

Möhüm ugurlar

Ýewropa sebitinde ýokary bilim boýunça hünär derejelerini ykrar etmek hakyndaky Konwensiýa (Lissabon)

Birleşen Milletler Guramasynyň Bilim, ylmy we medeni guramasynyň tertipnamasy

Bilimiň halkara standart klassifikasiýasy — 2011 BHSK

Möhüm ugurlar

Türkmenistanyň orta hünär biliminiň hünärleriniň hem-de ýokary hünär we klassifikatorlarynda görkezilen jemgyýet baradaky we ynsanperwer ylymlarynyň ugurlary boýunça daşary ýurt döwletlerinde berlen bilim hakyndaky resminamalaryň Türkmenistanda ykrar edilmegi üçin ýokary okuw mekdebiniň dünýäniň okuw mekdepleriniň öňdeligini düzýän halkara guramalarynyň («Academic Ranking of World Universities», «QS World University Rankings», «Три миссии университета» we «The Times Higher Education World University Rankings») kesgitleýän sanawyna giren bolmagy hökmany şert hökmünde talap edilýär. Beýleki ugurlar boýunça daşary ýurt döwletlerinde berlen bilim hakyndaky resminamalaryň Türkmenistanda ykrar edilmegi üçin ýokary okuw mekdebiniň ýokarda agzalan sanawa girmegi hökmany şert hökmünde talap edilmeýär.

2014-nji ýylyň 9-njy ýanwaryndan 2019-njy ýylyň 16-njy martyna çenli okuwyň gündizki-gaýybana ýa-da gaýybana görnüşine okuwa girip, okuwy tamamlanlary alnan Resminamalar: Ministrlikleriň we pudaklaýyn dolandyryş edaralarynyň hünärmenlere bolan zerurlyklaryny esaslandyryp beren ýüz tutmasy boýunça, degişlilikde Türkmenistanyň Prezidentiniň bölümleriniň ýa-da Türkmenistanyň Ministrler Kabinetiniň Başlygynyň degişli orunbasarynyň rugsady bilen ykrar edilýär. Iki ýyldan az bolmadyk iş tejribesi bolup, okuwa girenleriň Resminamalaryny ykrar etmek barada iş berijiniň towakganamasy bolan ýagdaýynda hem ykrar edilýär.

Türkmenistanyň Döwlet synaglaryndan üstünlikli geçenlere ýa-da şu Tertibiň ikinji bölegine laýyklykda synaglardan boşadylanlara, olaryň Resminamalarynyň ykrar edilendigi barada Türkmenistanyň Bilim ministrligi tarapyndan bellenen nusgadaky ykrar şahadatnamasy berilýär.

Milli Maglumat Merkezleriniň Bitewi Ýewropa tory