Ýurt Serweri Arkadagly Serdarym,
Belent ykbal Hakdan permandyr bu gün!
Dergäh-huzurynda ol Biribaryň
Il dilegi köldür, derýadyr bu gün!
Gudrat bardyr uly ýurdy özgerden,
Haka berlen,
halka berlen sözlerde.
Medet ýetip kerem dagy-düzlerden,
Watan ruhy kalpda perwazdyr bu gün!
Ýagşy amallarda döwrüň hümmeti,
Mertebedir uly ömrüň gymmaty,
Gül Diýarym — iki jahan jenneti,
Ajap döwran,
ajap eýýamdyr bu gün!
Alnyňyzda uzap ýatan ýol bardyr,
Arkaňyzda bu agzybir il bardyr,
Size ynam ata ýurda ygrardyr,
Päk niýetler haýra hemradyr bu gün!
Mertden merdi-merdan dörär,
ner çykar,
Beýik ilden serdar dörär,
ser çykar,
Siziň bilen alyn deri dür çykan
Iliň giň dünýäde ykrardyr bu gün!
Ýurdun söýüp,
halkyň gullugyn etmek,
Belent maksat tutup, myrada ýetmek —
Size atalardan dowamat mekdep,
Peder wesýet-pendi berjaýdyr bu gün!
«Watan diňe halky bilen Watandyr...» —
Senadyr bu,
ýurda kylnan kasamdyr.
Tutumlar döwletli,
rowaç gadamlar,
Arkadagyň ýoly dowamdyr bu gün!
Toýnagynda ula giden atlaryň,
Heňin duýdum beýik parahatlygyň!
Jandan uýup,
janym jana gatdygym,
Başda — Arkadagly Serdardyr bu gün!
Kakamyrat REJEBOW.