Türkmenistanyň Daşary işler ministrliginiň Halkara gatnaşyklary institutynyň Ýaş alymlar geňeşiniň guramagynda indi iki ýyl bäri ýurdumyzyň ýokary mekdepleriniň talyplarynyň we magistrantlarynyň arasynda “Kitap marafony” geçirilýär. Bu bäsleşik bir aý, ýagny sentýabr aýynyň 24 – den oktýabr aýynyň 24 – ne çenli dowam etdi. Her gün täze pikir alyşmalaryň, test sowallarynyň üsti arkaly gatnaşyjylaryň pikir garaýyşlaryny kitaba bolan söýgüsini bilmäge we olarda okamaga bolan höwesi artdyrmaga mümkinçilik berýär. Esasy belläp geçmeli wajyp zadymyz hem bäsleşigiň dowamynda käbir şertlerde topar bolup işlenilmegidir. Bu bolsa ýaşlaryň öz aralarynda dostlukly gatnaşyklary saklamaga, berkitmäge uly ýardam berýar. 

Bu bäsleşik Gahryman Arkadagymyzyň, Arkadagly Gahryman Serdarymyzyň sanly ulgamy kämilleşdirmeginde alyp barýan giň mümkinçiliklerinden peýdalanylyp onlaýn arkaly geçirilýär. Iň soňky güni, bäsleşigiň sowgat gowşurylyş gününe tapawutlanan talyplaryň we magistrantlaryň biri – biregi bilen ýüzbe – ýüz görüşmekleri, ýakyndan tanyş bolmaklary üçin mümkinçilik döredilýär. Bu bolsa bir aýyň dowamynda çekilen zähmetiň ýerine düşdigi bolýar diýsek ýalňyşmarys.

Ogulnur GELDIMYRADOWA,

Türkmenistanyň Daşary işler minstrliginiň

Halkara gatnaşyklary institutynyň Halkara

žurnalistikasy fakultetiniň 1-nji ýyl talyby.