Be­ýik mak­sat­lar üçin yh­las­ly oka­ýan, öw­ren­ýän, dö­red­ýän bag­ty­ýar ýaş­la­ry­my­zyň ga­za­nan üs­tün­lik­le­ri buý­san­jy­myz­dyr, Ýer ýü­zü­ne dol­ýan ab­ra­ýy­myz­dyr. Hä­zir­ki wagt­da Gah­ry­man Ar­ka­da­gy­my­zyň we Ar­ka­dag­ly Gah­ry­man Ser­da­ry­my­zyň ta­gal­la­la­ry bi­len ýur­du­my­zyň umu­my­bi­lim ber­ýän or­ta mek­dep­le­rin­de oka­ýan ze­hin­li okuw­çy­la­ry ýü­ze çy­kar­mak bo­ýun­ça uly iş­ler ama­la aşy­ryl­ýar.

Şun­da aý­ra­tyn ukyp-ba­şar­nyk­la­ry­ny gör­ke­zen ýaş ze­hin­le­ri hö­wes­len­dir­mek hem-de hal­ka­ra bäs­le­şik­le­re taý­ýar­la­mak mak­sa­dy bi­len ge­çi­ril­ýän ders bäs­le­şik­le­ri oňyn ne­ti­je­si­ni ber­ýär. Mek­de­bi­miz­de «Türk­me­nis­tan­da umu­my­bi­lim mak­sat­na­ma­la­ry bo­ýun­ça okat­ma­gyň usu­ly­ýe­ti­ni kä­mil­leş­dir­me­giň 2028-nji ýy­la çen­li Kon­sep­si­ýa­sy­na» la­ýyk­lyk­da, okuw­çy­la­ry­my­zyň mil­li we hal­ka­ra de­re­je­le­rin­de ge­çi­ril­ýän ze­hin bäs­le­şik­le­rin­de, olim­pia­da­lar­da üs­tün­lik­li çy­kyş et­mek­le­ri­ne ýar­dam ed­ýän usul­la­ry ulan­ma­gyň tej­ri­be­si­ni yzy­gi­der­li kä­mil­leş­dir­me­gi mak­sat edin­ýä­ris.

Ýur­du­myz­da mek­dep okuw­çy­la­ry­nyň ara­syn­da yg­lan edil­ýän «Al­tyn asy­ryň al­tyn ze­hin­le­ri» at­ly ders bäs­le­şik­le­ri ze­hin­li ýaş­la­ry ýü­ze çy­kar­ma­ga uly iter­gi ber­ýär. Okuw­çy­la­ry­my­zyň hal­ka­ra ders bäs­le­şik­le­ri­ne gat­naş­mak­la­ry üçin bol­sa giň müm­kin­çi­lik­ler bar. Hal­ka­ra bäs­le­şik­le­riň ne­ti­je­le­ri bo­ýun­ça ýaş ze­hin­le­ri­miz öň­dä­ki orun­la­ry eýe­läp, baý­rak­la­ra my­na­syp bol­ýar­lar. Mu­ňa şu ýyl mek­de­bi­mi­ziň uçu­rym­la­ry­nyň ga­za­nan üs­tün­lik­le­ri hem aý­dyň my­sal­dyr. Has ta­ky­gy, 12-nji synp okuw­çy­sy Be­genç Ak­my­ra­dow şu ýy­lyň 6 — 11-nji ap­re­li ara­ly­gyn­da Aş­ga­bat şä­he­rin­de ge­çi­ri­len mek­dep okuw­çy­la­ry­nyň ara­syn­da­ky 3-nji Hal­ka­ra ma­te­ma­ti­ka olim­pia­da­syn­da bü­rünç me­da­ly­ny, 3 — 8-nji ma­ýy ara­ly­gyn­da Gre­si­ýa Res­pub­li­ka­sy­nyň Sa­lo­ni­ki şä­he­rin­de ge­çi­ri­len Bal­kan ma­te­ma­ti­ka olim­pia­da­syn­da bü­rünç me­da­ly­ny eýe­le­me­gi ba­şar­dy. Şeý­le hem 12-nji synp okuw­çy­sy Sö­ýün­mu­ham­met Gel­di­mäm­me­dow şu ýyl­da «Al­tyn asy­ryň al­tyn ze­hin­le­ri» at­ly ders bäs­le­şi­gi­niň döw­let tap­gy­ryn­da ma­te­ma­ti­ka der­sin­den 1-nji or­na, 10 — 14-nji ýan­war ara­ly­gyn­da Ga­za­gys­tan Res­pub­li­ka­sy­nyň Al­ma­ty şä­he­rin­de ge­çi­ri­len Hal­ka­ra Žau­ty­kow olim­pia­da­syn­da bü­rünç me­da­la, 3 — 8-nji ap­rel ara­ly­gyn­da Gre­si­ýa Res­pub­li­ka­sy­nyň Sa­lo­ni­ki şä­he­rin­de ge­çi­ri­len Bal­kan ma­te­ma­ti­ka olim­pia­da­syn­da kü­müş me­da­la my­na­syp bol­ma­gy ba­şar­dy. Mek­de­bi­mi­ziň 12-nji synp okuw­çy­sy Göw­her My­ra­do­wa on­laýn ar­ka­ly ge­çi­ri­len Hal­ka­ra olim­pia­da­syn­da bio­lo­gi­ýa der­si bo­ýun­ça 1-nji de­re­je­li Dip­lo­ma we al­tyn me­da­la my­na­syp bol­dy. Şeý­le hem ol «Stemco» at­ly Hal­ka­ra on­laýn olim­pia­da­syn­da bio­lo­gi­ýa der­si bo­ýun­ça 2-nji or­ny we kü­müş me­da­ly eýe­le­di.

Mek­de­bi­mi­ziň okuw­çy­la­ry­nyň ga­zan­ýan üs­tün­lik­le­ri mu­gal­lym­la­ry­my­zyň bir­le­şen ta­gal­la­la­ry­nyň ne­ti­je­si­dir. Bäs­le­şik­ler­de ýo­ka­ry ne­ti­je­le­ri ga­zan­mak üçin öňün­den go­wy taý­ýar­lyk gör­ýä­ris. Hal­ka­ra ders bäs­le­şik­le­ri­ne gat­naş­ýan okuw­çy­la­ry­my­zy umu­my­bi­lim ber­ýän or­ta mek­dep­de we ýo­ka­ry okuw mek­de­bin­de okan dö­wür­le­rin­de bäs­le­şik­le­re gat­na­şyp, ýe­ňi­ji bo­lan, tej­ri­be top­lan mu­gal­lym­la­ryň ýol­baş­çy­ly­gyn­da bäs­le­şik­le­re taý­ýar­lan­mak­la­ry­ny ga­zan­ýa­rys. Mu­gal­lym­la­ry­myz ders­ler bo­ýun­ça ze­hin­li ça­ga­la­ry ýü­ze çy­kar­mak, ola­ry bäs­le­şik­le­re taý­ýar­la­mak üçin okuw sa­pak­la­ryn­da her bir okuw­çy­nyň bi­lim de­re­je­si­ni, öz­baş­dak pi­kir­le­nip bil­şi­ni, yh­las­ly­ly­gy­ny, iş­jeň­li­gi­ni, er­jel­li­gi­ni öw­ren­ýär­ler. Şeý­le hem okuw­çy­la­ry bäs­le­şik­le­re taý­ýar­la­mak­da, has ze­hin­li we ukyp­ly ça­ga­la­ry ýü­ze çy­kar­mak­da synp­dan da­şa­ry iş­le­riň äh­mi­ýe­ti­ne hem üns ber­ýä­ris. Synp­dan da­şa­ry iş­ler okuw­çy­la­ryň okuw mak­sat­na­ma­sy bo­ýun­ça alan bi­lim­le­ri­ni gi­ňelt­mä­ge we çuň­laş­dyr­ma­ga, ede­bi­ýat­lar bi­len öz­baş­dak hem-de dö­re­di­ji­lik­li iş­le­mek ba­şar­nyk­la­ry­ny ös­dür­mä­ge ýar­dam ed­ýär.

Ze­hin­li okuw­çy­la­ry­myz okuw ýy­ly­nyň do­wa­myn­da ders­ler bo­ýun­ça ge­çi­ril­ýän bäs­le­şik­le­riň mek­dep, et­rap (şä­her), we­la­ýat (Aş­ga­bat we Ar­ka­dag şä­her) we döw­let tap­gyr­la­ry­na gat­naş­ýar­lar. Bäs­le­şi­giň döw­let tap­gy­ryn­da ýe­ňi­ji bo­lan okuw­çy­lar bol­sa, de­giş­li taý­ýar­lyk­la­ry gö­ren­le­rin­den soň, hal­ka­ra de­re­je­li bäs­le­şik­le­re gat­naş­ýar­lar.

Gel­je­gi­miz bo­lan ýaş­la­ryň bag­ty­ýar dur­muş­da ýa­şa­ma­gy, döw­re­bap bi­lim-ter­bi­ýe al­ma­gy, dö­re­di­ji­lik bi­len meş­gul­lan­ma­gy ba­bat­da dö­re­dil­ýän giň müm­kin­çi­lik­ler üçin Gah­ry­man Ar­ka­da­gy­my­za we Ar­ka­dag­ly Gah­ry­man Ser­da­ry­my­za tüýs ýürekden buýsanjymyzy be­ýan ed­ýä­ris.

Mak­sat­my­rat AGA­MY­RA­DOW,

Aş­ga­bat şä­he­rin­dä­ki ma­te­ma­ti­ka we iň­lis di­li okuw ders­le­ri­ni çuň­laş­dy­ryp öw­red­ýän ýö­ri­te­leş­di­ri­len 49-njy or­ta mek­de­biň mü­di­ri­niň okuw iş­le­ri bo­ýun­ça orun­ba­sa­ry.

Çeşmesi:Türkmenmetbugat