Mäh­ri­ban Wa­ta­ny­my­zyň kör­pe ba­la­la­ry aý­ra­tyn üns-ala­da­lar bi­len gur­şal­ýar. Zähmet­söýerlik hem-de watançylyk ruhunda ter­bi­ýe­lenýän ýaş nesliň sazlaşykly ös­megi, bagtyýar dur­mu­şynyň üpjün edilmegi üçin ähli zerur şertler dö­re­dilýär. Ça­galaryň sagdynlygy, ola­ryň okamak­la­ry, döredijilik ukyplarynyň doly açylmagy we rahat dynç almakla­ry ba­bat­daky amatlyklar döwrüň talabyna laýyk ýola go­ýul­ýar. Esasy Ka­nu­ny­myzda we beýleki kadalaşdyryjy hukuk na­ma­la­rynda ça­ganyň sagdyn ösüşine, ahlak kä­milligi­ne, terbiýe mekdebi saýylýan maşgalanyň aba­dançylygyna gö­nükdirilen kadalar göz öňünde tu­tul­ýar. Eneleriň, ýaş we köp ­çagaly maşgalala­ryň durmuş goldawy, nesilleriň döwrebap bi­lim-terbiýe alyp, ilhalar adamlar bo­lup ýetişmegi we eş­retli durmuşda ýa­şamagy döwletimiziň üns merkezinde sak­lanyl­ýar. Şun­da Gur­ban­gu­ly Ber­di­mu­ha­me­dow adyndaky Howan­darlyga mätäç çagalara hemaýat bermek boýunça haýyr-sahawat gaz­nasynyň alyp barýan işleri möhüm orun eýeleýär. Ata-ene­si­niň ýa-da ola­ryň or­nu­ny tut­ýan adam­la­ryň ho­wan­dar­ly­gyn­dan ga­lan ça­ga­la­ryň aý­ra­tyn üns-ala­da bi­len gur­şa­lyp alyn­ýan­dy­gy, kö­me­ge mä­täç maş­ga­la­la­ryň bagt­ly gel­je­gi ug­run­da edil­ýän ta­gal­la­la­ryň top­lum­la­ýyn we yzy­gi­der­li hä­si­ýe­te eýe­di­gi hal­ky­myz­da uly ho­şal­lyk dö­red­ýär. Şeý­le so­gap­ly we buý­san­dy­ry­jy iş­le­riň ha­ta­ry art­ýar.

Her ýyl­da bol­şy ýa­ly, şu ýy­lyň to­mus­ky dynç alyş möw­sü­mi hem ça­ga­la­ra uly şat­lyk paý­la­ýar. 1-nji iýun­da Ça­ga­la­ry go­ra­ma­gyň hal­ka­ra gü­ni my­na­sy­bet­li Döw­let­li­ler köş­gün­de Türk­me­nis­ta­nyň Bi­lim mi­nistr­li­gi, Türk­me­nis­ta­nyň Me­de­ni­ýet mi­nistr­li­gi, Aş­ga­bat şä­her hä­kim­li­gi we Türk­me­nis­ta­nyň jem­gy­ýet­çi­lik gu­ra­ma­la­ry ta­ra­pyn­dan «Biz — bag­ty­ýar ça­ga­lar!» at­ly aý­dym-saz­ly baý­ram­çy­lyk çä­re­si gu­ral­dy. Bu da­ba­ra­ly çä­re Döw­let­li­ler köş­gü­niň okuw­çy gyz­la­ry­nyň mil­li el iş­le­ri­niň, şeý­le-de su­rat­keş ça­ga­la­ryň pa­ra­hat Wa­ta­ny­my­zy, şa­dy­ýan ça­ga­lyk dün­ýä­si­ni, dost­lu­gy, baý­ram­çy­lyk gör­nüş­le­ri­ni wasp edip çe­ken su­rat­la­ry­nyň ser­gi­si bi­len baş­lan­dy. Şo­nuň ýa­ly-da, Döw­let­li­ler köş­gü­niň «Joş­gun» tans to­pa­ry­nyň aý­dym-saz­ly çy­kyş­la­ry örän tä­sir­li bol­dy. Şat­lyk-şow­hun­ly gu­ra­lan bu da­ba­ra­da ýur­du­my­zyň me­de­ni­ýet we sun­gat us­sat­la­ry­nyň baý­ram­çy­lyk çy­kyş­la­ry aý­ra­tyn tä­sir gal­dyr­dy.

Da­ba­ra­ly çä­rä­niň ahy­ryn­da Gah­ry­man Ar­ka­da­gy­my­zyň hem-de Ar­ka­dag­ly Gah­ry­man Ser­da­ry­my­zyň ýur­du­myz­da bel­le­nil­ýän aja­ýyp baý­ram my­na­sy­bet­li Döw­let­li­ler köş­gü­niň şu ýyl­ky uçu­rym­la­ry­na we bu ýer­de ter­bi­ýe­len­ýän ça­ga­la­ra ibe­ren baý­ram­çy­lyk sow­gat­la­ry gow­şu­ryl­dy. Ça­ga­lar öz­le­ri­ne ibe­ri­len sow­gat­lar üçin Gah­ry­man Ar­ka­da­gy­my­za hem-de Ar­ka­dag­ly Gah­ry­man Ser­da­ry­my­za al­kyş aýt­dy­lar.

Altyn SARYÝEWA,

«Mugallymlar gazeti».

Çeşmesi:Türkmenmetbugat