To­mus pas­ly ça­ga­la­ra ar­zy­ly pur­sat­la­ry ba­gyş ed­ýär. Her bir pur­sa­dy şat­lyk-şow­hu­na, eş­ret­li gün­le­re bes­len­ýän döw­rü­mi­ziň ýaş ne­sil­le­ri­niň dur­nuk­ly ös­me­gi, döw­re­bap bi­lim, ter­bi­ýe hem-de dynç al­mak­la­ry üçin ýur­du­myz­da uly müm­kin­çi­lik­ler dö­re­dil­ýär.

Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň ta­gal­la­la­ry ne­ti­je­sin­de ýaş ne­sil­le­ri­miz bag­ty­ýar dur­muş­da ýa­şa­ýar­lar, sag­dyn ös­ýär­ler. Döw­re­bap de­re­je­de gur­lup ula­nyl­ma­ga ber­len ýur­du­my­zyň we­la­ýat­la­ryn­da­ky «Ýa­şyl ýaý­la», «Dür­dä­ne», «Bag­ty­ýar ne­sil­ler», «Bag­ty­ýar­lyk», «Ar­ka­da­gyň bag­ty­ýar ne­sil­le­ri», şeý­le-de Awa­za­da­ky, Gök­de­re­dä­ki ça­ga­lar dynç alyş we sa­gal­dyş mer­kez­le­ri to­mus­ky dynç alyş möw­sü­min­de ça­ga­la­ra giň­den gu­jak aç­ýar. Şu möw­süm my­na­sy­bet­li düýn paý­tag­ty­myz­da ýer­leş­ýän «Me­kan» köş­gü­niň ýa­nyn­da aý­dym-saz­ly da­ba­ra­ly çä­rä­niň şow­hu­ny ça­ga­la­ryň şa­dy­ýan ses­le­ri bi­len ut­gaş­dy. Bu ýer­den ba­dal­ga alan aw­to­bus­la­ryň ker­we­ni Gök­de­re­dä­ki dynç alyş we sa­gal­dyş mer­kez­le­ri­ne ta­rap ro­wa­na bol­dy. We­la­ýat­lar­da ýer­leş­ýän dynç alyş we sa­gal­dyş mer­kez­le­rin­de dynç al­mak üçin jem­le­nen ça­ga­lar bol­sa, we­la­ýat mer­kez­le­rin­den aý­dym-saz­ly da­ba­ra­lar bi­len ug­ra­dyl­dy.

Şu ýyl­ky to­mus pas­lyn­da ça­ga­lar daş-tö­we­re­gi­ni dag etek­läp otu­ran gö­zel Gök­de­re­de ýer­leş­ýän dynç alyş we sa­gal­dyş mer­kez­le­ri­niň on dör­dü­sin­de dynç alar­lar. We­la­ýat­lar­da dynç alyş we sa­gal­dyş mer­kez­le­ri­niň bä­şi­si ça­ga­la­ryň hyz­ma­tyn­da bo­lar. Awa­za­nyň ça­ga­lar dynç alyş we sa­gal­dyş mer­kez­le­rin­de bol­sa, ça­ga­laryň wagt­la­ry­ny şa­dy­ýan ge­çir­mek­le­ri üçin äh­li müm­kin­çi­lik­ler dö­re­dil­di.

Ça­ga­la­ryň to­mus­ky dynç alyş möw­sü­mi­ni şa­dy­ýan ge­çir­mek­le­ri üçin ça­ga­lar dynç alyş we sa­gal­dyş mer­kez­le­rin­de Türk­me­nis­ta­nyň Bi­lim mi­nistr­li­gi ta­ra­pyn­dan äh­li müm­kin­çi­lik­ler dö­re­dil­di. Möw­süm­de umu­my­bi­lim ber­ýän or­ta mek­dep­le­riň bi­lim iş­gär­le­ri ter­bi­ýe­çi mu­gal­lym­lar hök­mün­de zäh­met çe­ker­ler. Şeý­le hem mer­kez­ler­de ter­bi­ýe­çi mu­gal­lym­la­ryň kö­mek­çi­le­ri bo­lup, ýur­du­myz­da­ky mu­gal­lym­çy­lyk ugur­ly ýo­ka­ry we or­ta hü­när okuw mek­dep­le­rin­de bi­lim al­ýan ta­lyp­lar okuw-ter­bi­ýe­çi­lik tej­ri­be­li­li­gi­ni ge­çer­ler.

Bag­ty­ýar­lyk döw­rü­niň ba­la­la­ry to­mus­ky dynç alyş gün­le­ri­ne sa­byr­syz­lyk bi­len ga­raş­ýar­lar. Olar üçin mer­kez­ler­de ze­rur hyz­mat­la­ryň we çä­re­le­riň ýö­ri­te me­ýil­na­ma­la­ry iş­le­nip dü­zül­di. Mer­kez­le­r­dewagt­ly-wag­ty­na dür­li na­har­lar, gök önüm­ler, mi­we suw­la­ry ber­ler. Açyk we ýa­pyk how­uz­lar ça­ga­la­ryň hyz­ma­tyn­da bo­lar. Olar ter­bi­ýe­çi­lik äh­mi­ýe­ti bo­lan mult­film­le­re hem to­ma­şa eder­ler. Öý­län­le­ri­ne bol­sa gün­de­lik aý­dym-saz­ly çy­kyş­lar gu­ra­lar.

Dynç alyş möw­sü­min­de öz­baş­dak ki­tap oka­ma­ga hö­wes­li ça­ga­lar üçin er­te­ki­li ki­tap­lar, ça­ga­lar žur­na­ly, goş­gu­lar ýy­gyn­dy­sy ki­tap­ha­na­lar­da ýer­leş­di­ri­ler. Da­şa­ry ýurt dil­le­ri­ni kä­mil­leş­dir­mek we el hü­när­le­ri­niň us­sat­ly­gy­ny gör­kez­mek üçin gur­nak­lar he­re­ket eder. Bu ýer­de dö­re­di­ji­lik we sun­gat bi­len meş­gul­lan­ýan ça­ga­la­ra ni­ýet­le­ni­len ýö­ri­te su­rat we çe­per­çi­lik gur­nak­la­ry hem dö­re­di­ler. Ça­ga­la­ryň komp­ýu­ter­ler­de iş­le­mek­le­ri üçin äh­li şert­ler bo­lar.

Dynç alyş gün­le­rin­de mu­gal­lym­lar çe­per ede­bi­ýat­dan we halk dö­re­di­ji­li­gin­den giň­den peý­da­la­nyp iş­le­me­gi göz öňün­de tut­du­lar. Ça­ga­nyň ter­bi­ýe­si­niň ke­ma­la gel­me­gin­de we kä­mil­leş­me­gin­de er­te­ki­le­riň, tap­ma­ça­la­ryň, na­kyl­la­ryň, ata­lar söz­le­ri­niň, ýa­ňylt­maç­la­ryň, ma­tal­la­ryň, sa­na­waç­la­ryň, ro­wa­ýat­la­ryň, epos­lar­dyr des­san­la­ryň aý­ra­tyn äh­mi­ýe­ti bar­dyr. Şo­nuň üçin mer­kez­ler­de we meý­dan­ça­lar­da ge­çi­ril­ýän ter­bi­ýe­çi­lik iş­le­rin­de halk dö­re­di­ji­lik eser­le­ri bo­ýun­ça bäs­le­şik­le­ri gu­ra­mak me­ýil­na­ma esa­syn­da al­nyp bar­lar.

Mer­kez­ler­de sport ýa­ryş­la­ry aý­ra­tyn äh­mi­ýe­te eýe bo­lar. Mu­nuň üçin ça­ga­la­ryň dü­zü­min­den ýö­ri­te to­par­lar dö­re­di­ler. Spor­tuň dür­li gör­nüş­le­ri bo­ýun­ça ýa­ryş­lar gu­ra­ma­çy­lyk­ly ýag­daý­da ge­çi­ri­ler. Ýan­gyn howp­suz­ly­gy­nyň düz­gün­le­ri­niň, ýol he­re­ke­ti­niň ka­da­la­ry­nyň ýe­ri­ne ýe­ti­ri­li­şi bi­len bag­la­ny­şyk­ly çä­re­le­ri dog­ry alyp bar­mak bi­len bag­ly ýa­ryş­lar we gör­kez­me çy­kyş­lar giň ge­rim alar. Ýe­ňi­ji to­par­lar baý­rak­lar bi­len hö­wes­len­di­ri­ler.

Ha­wa, ge­ze­lenç­ler ça­ga­la­ryň iň ha­la­ýan za­dy. Dynç alyş möw­sü­min­de ça­ga­la­ryň ýer­le­re ge­ze­lenç­le­ri hem gu­ra­lar. Gök­de­re­dä­ki ça­ga­lar üçin paý­tag­ty­my­zyň gö­zel ýer­le­ri­ne, haý­wa­nat dün­ýä­si­ne, se­ýil­gäh­le­re gu­ral­jak sy­ýa­hat­lar ýat­da ga­ly­jy wa­ka­la­ra öw­rü­ler. We­la­ýat­lar­da­ky ça­ga­lar hem ýer­ler­dä­ki te­bi­gy ýa­dy­gär­lik­le­re sy­ýa­hat et­mä­ge müm­kin­çi­lik alar­lar.

Dynç alyş möw­sü­mi­niň do­wa­myn­da mer­ke­za­ra bäs­le­şik­ler hem şat­lyk-şow­hu­na bes­le­ner. Şeý­le-de mer­kez­ler­de ýur­du­my­zyň us­sat ar­tist­le­ri­niň, sun­gat iş­gär­le­ri­niň dö­re­di­ji­lik du­şu­şyk­la­ry, sah­na çy­kyş­la­ry hem gu­ra­lar.

Şäh­ri­bos­san ÖWE­ZO­WA,

«Mu­gal­lym­lar ga­ze­ti».

Çeşmesi:Türkmenmetbugat